NINE NANE

Luogo: Verona

Fonte: Mamma, raccolta da Greggio Luca.
Altre persone che hanno contribuito a raccoglierla sono: Franceschetti Sara, Hariga Mihai, Agu Patience e Ragno Michele.

Nine nane, nine o’, fa la nana el butin de la mama;
nine nane al me butin che l’e’ tanto picenin
Nine nane, nine o’ cava la broca e pianta el cio’
Fa la nina, fa la nana buteleto de la mama
nine nane, nine o’ Fentele le nane, fentele cantando fine che la pupa se va indormensando
Nine nane, nine o’ nine nane al me butin ch’el dorma con Gesu’ bambin,
Nina nana, nina o’fa la nina , fa la nana tesorin de la mama;
Nine nane, nine o’ le campane de Bogolon le fa tin e dopo ton tuta note le sonava pan e vin le guadagnava
Nine nane, nine o’ che stasera el va a filo’ el va a filo’ con la rocheta e el fuso ma el gardoleto no;
Nina nana, barba Piero le lasagne in t’el butiero el formajo sora ia nina nana in boca mia;
Nine nane, nine o’sto butin a ci gh’el do?
Gh’el daro’ a la befana, la lo tegnera’ na setimana
gh’el daro’ a l’Omo Nero ch’el lo tegnera’ n’ano intiero;
Nina nana, bel bobo’ che stassera vien papa’ cossa portelo?
No so el porta on panetin par darghe al so butin
Nine nane, nine o’ coanti corni ga el me bo coanti corni ga la me vaca che l’e’ vecia e non l’e’ mai straca;
Nina nana al me butin che l’e’ tanto picinin
nina nana al me butin in t’el so leto da gardelin nina nana fin de ciaro fin ch’el sol no’l s’ciara ‘l granaro.



Questa poesia è cantata più o meno in tutto il Veneto e me la cantava mia mamma per farmi addormentare quando ero piccolo.

FILO'